Blogu

Tortila me miell kokosi

Tortila me miell kokosi!

Perfekte për mëngjes ose drekë të shpejtë.
Të thjeshta për t’u përgatitur, dhe me pak përbërës.

Mund të përdoren si bazë për tacos ose për ti mbushur me marule, djathë, mish, humus, gjalpë kikiriku, krem ​​lajthie, manaferra dhe cfarë të dëshironi.

Përbërësit:

▫️2 filxhan miell kokosi
▫️4 filxhan miell bajame
▫️2 lugë gjelle psilium
▫️½ lugë çaji kripë deti
▫️1 filxhan ujë

Përgatitja:

Përziejmë përbërësit të gjithë,
dhe i pjekim në zjarr të ngadaltë.

Këto produkte dhe plot lloje miellrash pa gluten i gjeni në Edesia!

Supë Me Lulelakër Të Pjekur dhe Kokos

Supë me lulelakër të pjekur dhe kokos.

Është e lehtë për t’u bërë, nuk ka nevojë për shumë kohë dhe është e pasur me vlera ushqyese.

Përbërësit:

2 qepë
600 gr lulelakër
4 thelpinj hudhre
1 lugë çaji me kanellë Ceylon pluhur
1 lugë çaji vaj ulliri Bio
1 grusht copa kokosi pa sheqer
400 ml qumësht kokosi
600 ml lëng perimesh
2-3 lugë vaj me spece djeges

Përgatitja:

Ngrohni furrën tuaj në 180°C.
Qëroni dhe prisni qepët në copa 1 cm dhe prisni lulelakrën në lule të bardha. Nëse ka gjethe, mos i prisni, piqini edhe ato.
Vendosini të gjitha në një tepsi me thelpinjtë e hudhrave të paqëruara dhe spërkatini me kanellë dhe erzat tuaja të preferuara.. Spërkateni mirë sipër me vaj ulliri.
Përziejini të gjitha së bashku dhe futini në furrë për 25 deri në 30 minuta, derisa të piqen dhe të karamelizohen pak.
Shpërndani thekonet e kokosit në një tabaka të vogël dhe futini në furrë për minutat e fundit për të pjekur – atyre u duhen vetëm 3 deri në 4 minuta.
Kur perimet të jenë gati, hiqni thelpinjtë e hudhrës dhe grijini të gjitha perimet në një tenxhere të madhe. Shtrydhni hudhrën nga lëkura e saj dhe shtoni edhe ato. Hidhni qumështin e kokosit, shtoni lëngun dhe lëreni të ziejë butësisht.
Ulni pak zjarrin dhe ziejini për 5 minuta, më pas hiqeni nga zjarri. Duke përdorur një blender, lëreni supën derisa të bëhet kremoze, duke shtuar pak më shumë ujë nëse është shumë e trashë.
Shtoni erëzat dhe shërbejini sipër me thekonet e thekura të kokosit dhe pak vaj speci djegës.

Tortë Me Mollë Dhe Lajthi

Tortë me mollë dhe lajthi. Pa gluten, pa laktozë dhe pa sheqer!

Përbërësit:

• 200 ml qumësht bajame
• 100 gr rrush të thatë
• 200 gr miell orizi
• 10 gr pluhur për pjekje
• 70 gr lajthi të pjekura
• Pak kanellë dhe arrëmyshk
• Një mollë e madhe e ëmbël (250 g)
• 2 lugë uthull molle
• 30 ml vaj ulliri

Përgatitja:

Hidhni rrushin e thatë në qumështin e bajames
Grini lajthitë derisa të shkërmoqen në një blender.
Qëroni mollën dhe bëjeni pure.
Kombinoni të gjithë përbërësit e thatë. Shtoni mollën në qumësht, lajthitë dhe përziejini sërisht.
Në vaj shtoni uthull, përzieni dhe hidheni në brumë.
E trazojmë mirë brumin dhe e kalojmë në një tavë për pjekje.
Piqeni në 160° për 45-55 minuta.
Prisni te ftohet dhe torta eshte gati. Mund të shtoni dhe mjaltë sipas dëshirës.

Pesto Vegane

Bëni një pesto vegane për ta shtuar në makarona, pica, sallata dhe sanduiçe.

Përbërësit:

• 50 gr stika pishe
• 1 tufë e madhe borziloku, e copëtuar përafërsisht
• 2 lugë maja ushqyese Bio
• 150 ml vaj ulliri, plus shtesë për kavanozin
• 2 thelpinj hudhre, të prera në mënyrë të përafërt
• l/2 limon, me lëng
• 1 lugë fara kërpi

Përgatitja:

Pjekim arrat e pishës në një tigan të vogël në nxehtësi të ulët për 3-4 minuta derisa të marrin ngjyrë kafe të artë. Lëreni mënjanë të ftohet. Përziejmë të gjithë përbërsit në kavanozë. Shtojmë vaj ulliri extra të virgjër. Pesto eshte gati. Ruhet në frigorifer deri në një javë.

Ju bëftë mirë!

Bukë Pa Gluten

Bukë vegane, pa gluten dhe maja

Përbësit:

• 300gr miell bizele ose hikërrori
• 50 gr fara liri
• 3 lugë  psyllium
• 500 ml ujë të ngrohtë
• 3 lugë vaj rrushi
• 1 lugë sodë bikarbonat
• 1 lugë lëng limoni
• 1 lugë kripë

Përgatitja:

Përziejini së bashku në një tas përbërësit e thatë (miell bizele ose miellin e hikerrorit, farë liri, lëvore psyllium). Shtoni ngadalë ujë të ngrohtë dhe vaj.
Në fund përzieni bikarbonatin e sodës me lëngun e limonit dhe përzieni së bashku. Përzieni atë me brumin dhe shtoni kripën.
Përzieni përsëri dhe vendoseni në një tavë pjekje të mbuluar me një letër pergamene. Piqeni në furrë në 180 gradë Celsius për rreth 1 orë.
Lëreni bukën të ftohet plotësisht para se ta copëtoni.

Krepa Me Matcha Për Mëngjes

Krepa Me Matcha Për Mëngjes

Përbërësit:

• 3 lugë miell buckwheat (hikërror i copëtuar)
• 1 lugë çaji pluhur matcha
• 50/60 ml ujë (nëse nevojitet më shumë)
• 1 lugë gjelle vaj ulliri

Topings:

• 50/70 g boronicë
• 1 lugë gjalpë kikiriku
• Fara Chia
• Fara kungulli

• Sekreti pas super forcës së matcha-s gjendet në përbërjet e saj polifenolike të quajtura katekina, të cilat janë një lloj antioksidanti që gjenden në superushqimet si çaji jeshil, kakao dhe mollët. I vlerësuar si mjaft më i pasur me katekinë se shumica e ushqimeve, përfitimet shëndetësore të matcha zakonisht vijnë për ata që e pinë rregullisht. Përfitimet e mundshme shkojnë nga përmirësimi i shëndetit të zemrës në uljen e niveleve të sheqerit në gjak, rritjen e humbjes së peshës dhe më gjerë.
• Boronicat janë të ulta në kalori, kanë pak karbohidrate, të pasura në vitaminë C dhe K dhe kanë veti antioksiduese.
• Gjalpi i kikirikut dhe farat janë të pasura me proteina dhe yndyrna të mira.

Të gjithë përbërësit janë ideal për një mëngjes të shëndetshëm dhe plot energji.